《讀者請教》
之前我同男友老豆老母講結婚，我講笑講左一句: 冇求婚戒指唔結架！~之後我男友老母周圍同人好不屑禁講: 佢話冇求婚戒指就唔結喎~佢地覺得我好似吊高黎賣多舊魚，覺得我一定要有求婚戒指先肯結~佢地以前個年代冇求婚戒指呢樣野，就覺得我要求好過份！
求婚戒指唔係我自己發明，而家好多情侶結婚，女方都有求婚戒，求婚戒指有平有貴，我又冇要求要一卡~
前幾日，佢地有個侄仔同女友求婚成功，個侄仔女友仲俾左求婚鑽石戒指俾我男友老豆老母睇，佢地事後又冇係度周圍話人女友要求婚戒指先肯嫁~
而家佢地一定要我同男友今年年尾擺洒結婚，我唔想妥協，我好討厭俾人迫俾人催~點做好？謝謝。
＃我的極品四大長老